ملکی معیشت میں ایک اور سنگِ میل،ایک ماہ میں 3 ارب ڈالرترسیلات زرموصول  

(اشرف خان) حکومتی اقدامات پر اووسیز پاکستانیوں کا بھروسہ بڑھ گیا ،ترسیلات زر سال 2025 کے پہلے ماہ 3 ارب ڈالر موصول ہوگئے۔   

سٹیٹ بینک سے جاری کردہ تازہ ترین اعداد شمار کے مطابق  جنوری 2025 میں بیرون ملک پاکستانی ورکز نے 3 ارب ڈالر کی ترسیالت زر بھجیں  جس سے جنوری 24 کے مقابلے جنوری 25 میں ترسیلات زر میں 25 فیصد کا بڑا اضافہ ہوا۔

رواں مالی سال 7 ماہ میں ترسیلات زر میں 31.7 فیصد کا بڑا اضافہ ہوا،7 ماہ میں ترسیلات زر 20 ارب 80 کروڑ ڈالر ریکارڈ کی گئیں۔
واضح رہے کہ گزشتہ مالی سال 7 ماہ میں 15 ارب 80 کروڑ ڈالر کی ترسیلات زر آئیں تھیں،رواں مالی سال 7 ماہ میں ترسیلات زر میں 5 ارب ڈالر کا ریکارڈ اضافہ ہوا۔

یہ بھی پڑھیں: پولیو ویکسین اور کرونا سرٹیفیکیٹ نہ ہونے پر عمرہ زائرین کو سعودیہ جانے سے روک دیا گیا