مرحوم آغا خان کی خدمات کو ہمیشہ یاد رکھا جائے گا،صدر زرداری کی پرنس رحیم الحسینی سے ملاقات

(اویس کیانی) صدر مملکت آصف علی زرداری کی پرنس رحیم الحسینی سے ملاقات، والد پرنس کریم آغا خان کے انتقال پر اظہارِ تعزیت کیا، صدر مملکت کا پاکستان کے عوام اور حکومت کی جانب سے دلی ہمدردی کا اظہار۔

لزبن میں پرنس رحیم الحسینی سے ملاقت کے موقع پر صدر آصف علی زرداری کہا کہ پوری قوم ایک سچے دوست اور عظیم انسان دوست شخصیت سے محروم ہونے پر سوگوار ہے، مرحوم آغا خان کے انتقال سے ذاتی تعلق تھا، اِنتقال سے گہرا صدمہ پہنچا ۔ انہوں نے مرحوم مرحوم آغا خان   کے پاکستان کی سماجی اور معاشی ترقی میں کردار کو سراہتے ہوئے کہا کہ انکی دور اندیش قیادت نے پاکستان اور دنیا کے دیگر خطوں میں لوگوں کی زندگیوں کو بہتر کیا۔صدر مملکت نے کہا کہ چین کے سرکاری دورے کے دوران آغا خان کے انتقال کی خبر ملی اور میں مرحوم آغا خان کی انسان دوستی اور انسانیت کے لیے زندگی بھر کی خدمات کو خراج تحسین پیش کرنے لزبن آیا ہوں، انسانیت کے لیے مرحوم آغا خان کی خدمات کو ہمیشہ یاد رکھا جائے گا،  مرحوم آغا خان نے اپنی زندگی خدمت خلق اور لوگوں کی فلاح و بہبود کے لیے وقف کی،  انہوں کہا کہ امید ہے کہ پرنس رحیم الحسینی انسانیت کی خدمت کے اپنے والد کے مشن کو جاری رکھیں گے۔

یہ بھی پڑھیں:جوڈیشل کمیشن نے سپریم کورٹ میں 6 ججز تعینات کرنے کی منظوری دیدی