دہشتگردوں کیخلاف آپریشن میں شہید جوان کی فوجی اعزاز کیساتھ تدفین

(24 نیوز)پاک فوج کے شہید سپاہی نصیر شاہ کی نماز جنازہ ہری پور میں ادا کر دی گئی۔
پاک فوج کے تعلقات عامہ کے شعبے (آئی ایس پی آر)کے مطابق سپاہی نصیر شاہ کی مکمل فوجی اعزاز کے ساتھ تدفین کی گئی، نماز جنازہ میں لوگوں نے کثیر تعداد میں شرکت کی۔
واضح رہے کہ سپاہی نصیر شاہ شمالی وزیرستان میں دہشتگردوں کے خلاف خفیہ آپریشن کے دوران شہید ہوگئے تھے ،سیکیورٹی فورسز کی کارروائی میں دو دہشتگرد مارے بھی گئے تھے۔