دھند کاراج برقرار۔۔موٹروے بند۔۔پروازوں کا شیڈول متاثر

 (24 نیوز) پنجاب اور خیبرپختونخوا کے مختلف علاقوں میں دھند کی شدت میں اضافہ ہو گیا جس کے باعث موٹروے ایم ون، ایم ٹو، ایم تھری، ایم فور اور فائیو کئی مقامات پر بند کر دی گئی، لاہور ایئرپورٹ پر پروازوں کا شیڈول بھی متاثر،رحیم یار خان، میاں چنوں، پاکپتن، گوجرہ، جھنگ اور گردونواح میں حد نگاہ انتہائی کم رہ گئی۔

تفصیلات کے مطابق  لاہور اور گردونواح میں دھند کے باعث علامہ اقبال انٹرنیشل ایئرپورٹ پر فلائٹ آپریشن متاثر ہے۔ دھند کے باعث 6 پروازیں تاخیر کا شکار جبکہ دو منسوخ کر دی گئیں۔  اس کے علاوہ  موٹروے ایم ون پشاور سے صوابی تک دھند کے باعث بند موٹروے ایم ون رشکئی انٹرچینج سے پشاور ٹال پلازہ تک بند ہے۔ اسی طرح موٹروے ایم ٹو ٹھوکرنیاز بیگ سے کوٹ مومن تک دھند کے باعث بند ہے۔ موٹروے ایم تھری فیض پور انٹر چینج سے درخانہ انٹر چینج تک، موٹر وے ایم فور شام کوٹ سے عبدالحکیم تک، موٹروے ایم فور شیر شاہ سے شام کوٹ تک، موٹروے ایم 5 شیر شاہ سے ظاہر پیر تک، موٹروے ایم 5  کواقبال آباد انٹر چینج سے روہڑی ٹال پلازہ تک بند کر دیا گیا۔

یہ بھی پڑھیں: مری حادثے کے بعد بیشتر سیاح  کس حالت میں ہسپتال پہنچے۔۔بڑا انکشاف