(ویب ڈیسک)کیوبا میں پیٹرولیم مصنوعات کی قیمتوں میں 500 فیصد تک اضافہ کردیا گیاہے۔
غیرملکی میڈیا کے مطابق معاشی بحران میں گھری حکومت نے ملک میں فروری سے پیٹرول کی قیمت 25 پیسوس سے بڑھا کر 132 پیسوس کرنے کا اعلان کیا ہے، حکومت کو امید ہے کہ اس اقدام سے مالی خسارے کو کم کرنے میں مدد ملے گی تاہم شہریوں کی مشکلات میں مزید اضافہ ہوگیا ہے۔
وزیرِ خزانہ ولادیمیر ریگوئیرو نے کہا ہے کہ ڈیزل اور دیگر پیٹرولیم مصنوعات کی قیمتوں کو بھی اسی طرح بڑھایا جائے گا،انہوں نے رہائشی علاقوں میں بڑے صارفین کیلئے بجلی کی قیمتوں میں 25 فیصد اور قدرتی گیس کی قیمتوں میں بھی اضافے کا اعلان کیا ہے۔
وزیرِ خزانہ ولادیمیر ریگوئیرو کا کہنا ہے کہ حکومت 29 نئے پیٹرول پمپس بھی کھولے گی جو غیر ملکی کرنسی جمع کرنے کیلئے صارفین سے امریکی ڈالر میں پیسے وصول کریں گے، ان اقدامات کا مقصد ملکی معیشت کو بحال کرنا ہے۔
یہ بھی پڑھیں: ڈالرکاریٹ مزید کم ہو گیا