ٹیکسی ڈرائیور کو دوران ڈرائیونگ ویڈیو دیکھنا مہنگا پڑ گیا

(ویب ڈیسک)بھارت میں آن لائن ٹیکسی ڈرائیور کو دوران ڈرائیونگ ویڈیو دیکھنا مہنگا پڑ گیا جس کی ویڈیو سوشل میڈیا پر وائرل ہوگئی۔

بھارتی میڈیا رپورٹس پر کے مطابق ایکس (ٹوئٹر) پر وینکت نامی صارف نے آن لائن ٹیکسی ڈرائیور کی ویڈیو شیئر کی جو گاڑی چلانے کے دوران اپنے موبائل فون پر ویڈیوز دیکھ رہا تھا۔

صارف نے ویڈیو شیئر کرتے ہوئے لکھا کہ"مجھے ان دنوں آن لائن ٹیکسی میں سفر کرنا غیر محفوظ لگ رہا ہے، آج کل کے ڈرائیورز کی ڈرائیونگ کے دوران لاپرواہی کسی خطرے کا سبب بن سکتی ہے جیسے کہ یہ ڈرائیور اپنا فون گود میں رکھ کر اس پر ویڈیوز دیکھ رہا ہے۔

وینکت نے پوسٹ میں ممبئی ٹریفک پولیس اور آن لائن ٹیکسی کمپنی کو بھی ٹیگ کیا اور لکھا کہ ’یہ ممبئی میں ہورہا ہے، آپ اسے روکنے کے لیے کیا اقدامات کررہے ہیں؟ جس پر پولیس اور کمپنی کی جانب سے فوری جواب دیا گیا۔

I am not feeling safe to travel in @Uber_India these days as these days the drivers are driving dangerously.
This driver is watching videos on his mobile by putting his phone on his lap. @MTPHereToHelp this happened in Mumbai. What will you do to stop this? @Uber_Mumbai pic.twitter.com/AY7sgCsRe3

— Venkat (@snakeyesV1) January 5, 2024

ممبئی ٹریفک پولیس نے صارف سے مزید کارروائی کے لیے صحیح مقام کی تفصیلات مانگیں جس پر وینکت نے بتایا کہ یہ واقعہ مانکھرد سے ناوی ممبئی کی طرف واشی پل سے پہلے ہوا ہے۔

یہ بھی پڑھیں:چوہے کی نفاست نے دنیا کو حیران کردیا ویڈیو سوشل میڈیا پر وائرل

دوسری جانب آن لائن ٹیکسی کمپنی نے بھی اس ٹویٹ پر ردعمل  دیتے ہوئے  وینکت  سے معذرت کی اور کہا کہ ایسا سلوک ناقابل قبول ہے اور ہم آپ کی حفاظت کو اولین  ترجیح دیتے ہیں۔

براہ کرم ایپ میں  اپنے رجسٹرڈ اکاؤنٹ اور  رابطے کی تفصیلات براہ راست پیغام کے ذریعے بھیجیں, ہماری حفاظتی ٹیم جلد ہی آپ سے رابطہ کرے گی۔