پیٹرول اور آلودگی سے چھٹکارہ، بہترین ڈیزائن، جرمن کمپنی سینسو پاکستان میں الیکٹرک کاریں متعارف کروانےکو تیار

(24 نیوز) جرمن کمپنی SANSO (سینسو) کے جدید اور منفرد ماحول دوست الیکٹرک کارز کے ماڈل دنیا بھر میں مقبول ہو رہے ہیں۔

اس حوالے سے سینسو کے چئیرمن ہارون ایس خان کا کہنا ہے کہ یورپ اور مڈل ایسٹ کے بعد پاکستانی مارکیٹ انکا اگلا ہدف ہے، جہاں وہ آٹوموبیل انڈسٹری صارفین کے مسائل کا حل اپنے نئے ماڈلز سے کرنا چاہتے ہیں۔

انہوں نے مزید بتایا کہ نئے ماڈلز میں 4 وہیلر Sanso Espérer IX (SUV)، سیڈان کار Sanso Espérer M اور کمپیکٹ کار Sanso Espérer SX شامل ہیں۔

سینسو الیکٹرک کارز کی خوبی نہ صرف انکے بہترین ڈیزائنز ہیں بلکہ انکی دیرپا پائیداری، پٹرول اور آلودگی سے چھٹکارا ہے اور ساتھ ساتھ بین الاقوامی معیار کے سیکیورٹی اور ڈرائیونگ فیچرز ہیں جو ہر لحاظ سے انہیں باقی تمام گاڑیوں سے منفرد اور ممتاز بناتے ہیں۔

ہارون ایس خان نے مزید کہا کہ مڈل ایسٹ اور یورپ کے بعد سینسو اب پاکستان میں بھی قدم رکھنے جا رہی ہے جہاں کم خرچ اور ماحول دوست انفراسٹرکچر متعارف کروانے کیلئے کوشاں ہے۔۔

اس حوالے سے ہارون ایس خان کا مزید کہنا تھا کہ سینسو (SANSO) پاکستان میں الیکٹرک وہیکل مارکیٹ میں ایک اچھا اضافہ ثابت ہوگا جس سے صارفین کیلئے کم خرچ میں آرام دہ، محفوظ اور شاندار سفر ممکن ہوگا۔