بلے کا انتخابی نشان، ایک اور سیاسی جماعت نے الیکشن کمیشن سے رجوع کرلیا

(عثمان خان) ٹیکنالوجی موومنٹ پاکستان (ٹی ایم پی) نے الیکشن کمیشن سے عام انتخابات کیلئے بلے کا انتخابی نشان مانگ لیا۔

ٹیکنالوجی موومنٹ پاکستان کی جانب سے الیکشن کمیشن سی گئی درخواست میں کہا گیا ہے کہ عام انتخابات میں ہمارے امیدوار حصہ لینا چاہتے ہیں، ہماری جماعت کو عام انتخابات کیلئے انتخابی نشان بلا الاٹ کیا جائے۔

یہ بھی پڑھیے: الیکشن کمیشن کا فیصلہ کالعدم قرار، پی ٹی آئی کابلےکا انتخابی نشان بحال

ٹیکنالوجی موومنٹ پاکستان نے ترجیحی فہرست میں دوسرا انتخابی نشان لیپ ٹاپ بھی مانگ لیا۔

واضح رہے کہ پشاور ہائیکورٹ کے جسٹس اعجاز انور اور جسٹس سید ارشدعلی نے پاکستان تحریک انصاف (پی ٹی آئی) انٹرا پارٹی الیکشن اور انتخابی نشان سے متعلق کیس کا فیصلہ سناتے ہوئے تحریک انصاف کا انتخابی نشان بلا بحال کردیا۔