(24 نیوز)پاکستان اور ویسٹ انڈیز کے درمیان دو ٹیسٹ میچوں کی سیریز کے ٹکٹوں کی فروخت ملتان کے 11 ٹی سی ایس سینٹرز پر شروع ہو گئی ہے۔
تفصیلات کے مطابق پاکستان اور ویسٹ انڈیز میں دونوں ٹیسٹ میچز 17 سے 29 جنوری تک ملتان کرکٹ سٹیڈیم میں کھیلے جائیں گے۔دونوں میچوں میں فرسٹ کلاس (وسیم اکرم اور الہی برادران) اور جنرل(حنیف محمد اور مشتاق احمد) انکلوژرز میں شائقین کا داخلہ مفت ہوگا جبکہ دونوں ٹیسٹ میچوں کے لیے، پی سی بی گیلری (انضمام الحق) کے ٹکٹ صرف 500 روپے میں فروخت کے لیے دستیاب ہوں گے۔
مزید پڑھیں:گوتم گمبھیر منافق انسان،سابق بھارتی کرکٹر نے تنقید کے نشتر چلا دئیے
وی آئی پی انکلوژرز کے ٹکٹوں کی قیمت 150 روپے ہوگی جن میں فضل محمود اور عمران سٹینڈز شامل ہیں۔ دونوں ٹیسٹ کے لیے پریمیم انکلوژرز (جاوید میانداد اور ظہیر عباس)کے ٹکٹوں کی قیمت 100 روپے ہوگی۔دونوں ٹیسٹ میچوں کے ٹکٹ ملتان میں ٹی سی ایس ایکسپریس سینٹرز پر دستیاب ہوں گے۔