ڈی آئی خان؛سکیورٹی فورسز کا آپریشن،رنگ لیڈر سمیت5خوارج ہلاک 

(احمد منصور)ڈیرہ اسماعیل خان کے علاقے مڈی میں سکیورٹی فورسز کے انٹیلی جنس بیسڈ آپریشن میں سرغنہ سمیت 5خوارج جہنم واصل ہو گئے۔

پاک فوج کےشعبہ تعلقات عامہ آئی ایس پی آر کے مطابق دوران آپریشن سکیورٹی فورسز نے خوارج کے ٹھکانوں کو نشانہ بنایا،خارجی رنگ لیڈر شفیع اللہ عرف شفیع سمیت 5 خوارج ہلاک ہو گئے،ہلاک خوارج سے اسلحہ و ایمونیشن برآمدہوا۔

یہ بھی پڑھیں:شدید سردی کے باعث سکولوں میں مزید چھٹیاں ؟اہم خبر آ گئی

آئی ایس پی آر کے مطابق ہلاک خوارج سکیورٹی فورسز کے خلاف دہشت گردی کی کارروائیوں سمیت معصوم شہریوں کی ٹارگٹ کلنگ میں بھی ملوث تھے،علاقے میں پائے جانے والے کسی اور خارجی کو ختم کرنے کیلئے سینیٹائزیشن آپریشن بھی کیا گیا،آئی ایس پی آر کا مزید کہنا ہے کہ  سکیورٹی فورسز ملک سے دہشت گردی کی لعنت کو ختم کرنے کیلئے پرعزم ہیں۔

یہ بھی پڑھیں:بجلی کے بھاری بلوں سے پریشان صارفین کیلئے اچھی خبر