(اسرارخان)لاہور سمیت پنجاب کے مختلف شہر دھند کی لپیٹ میں آ گئے،حد نگاہ صفر ہونے پرموٹروے کو کئی مقامات سے بندکردیاگیا،موٹروے پولیس نے شہریوں کوہدایات جاری کردئے۔
تفصیلات کے مطابق لاہور سیالکوٹ موٹروے ایم (11) کو بند کر دیا گیاجبکہ ایم 3 کو بھی بندکردیا گیا،موٹروے ایم 3 لاہور سے جڑانوالہ تک دھند کی وجہ سے بند کیا گیا ۔
ترجمان موٹروے پولیس سید عمران احمد نے شہریوں کو ہدایات کرتے ہوئے غیر ضروری سفر سے گریز کرنے کا کہا ہے ، انہوں نے کہا ہے کہ دن کے اوقات میں سفر کو ترجیح دیں،متبادل راستوں پر گاڑیوں کی رفتار کم رکھیں، فوگ لائٹس کا استعمال یقینی بنائیں۔
یہ بھی پڑھیں: سردی کی شدت میں اضافہ،تعلیمی اداروں میں مزیدچھٹیوں کی افواہوں پر سیکرٹری سکولز کا اہم بیان