(24نیوز)نیویارک کی فوجداری عدالت نے ڈونلڈٹرمپ کیخلاف ہش منی کیس کا فیصلہ سنا دیا۔
ڈونلڈٹرمپ کو جیل میں قید نہیں کیا جائے گا نہ کوئی جرمانہ ہوگا، عدالت نے ڈونلڈٹرمپ کو غیرمشروط طور پر الزامات سے بری کردیا۔
عدالت نے پیسے دے کر حقائق چھپانے کا جرم ٹرمپ کے ریکارڈ میں شامل کرنے کا حکم دیدیا،عدالتی فیصلے میں کہاگیا ہے کہ نومنتخب امریکی صدر ڈونلڈٹرمپ ہش منی کیس میں مجرم ہیں،فوجداری عدالت نے فیصلے میں کہا کہ نومنتخب صدر کو سزا نہیں دے رہے۔
عدالت کے فیصلے کے بعد ٹرمپ امریکی تاریخ کے پہلے صدر ہوں گے جو مجرمانہ ریکارڈ کے ساتھ صدارت کا عہدہ سنبھالیں گے۔
خیال رہے کہ گزشتہ سال مئی میں امریکی عدالت نے فحش اداکارہ کو رقم کی ادائیگی سے متعلق کیس میں ٹرمپ پر عائد الزامات درست قرار دیتے ہوئے انہیں مجرم قرار دیا تھا۔ڈونلڈ ٹرمپ پر فحش فلموں کی اداکارہ سٹارمی ڈینئلز کو 1 لاکھ 30 ہزار ڈالر کی ادائیگی سے متعلق 34 الزامات عائد کیے گئے تھے، جیوری نے تمام 34 الزامات کو درست قرار دیا تھا۔
ڈونلڈ ٹرمپ پر الزام تھا کہ ان کے سٹار می ڈینئلز کے ساتھ جنسی تعلقات تھے اور انہیں چھپانے کے لیے 2016 کے صدارتی انتخابات کے موقع پر سٹارمی ڈینئلز کو رقم دی گئی تھی، جس کے نتیجے میں ڈونلڈ ٹرمپ الیکشن جیت گئے تھے۔
ڈونلڈ ٹرمپ کو سزائے سنائے جانے کے لیے کیس کی مزید سماعت ابتدائی طور پر 11 جولائی 2024 کو ہونی تھی جو متعدد مرتبہ ملتوی ہوئی۔
یہ بھی پڑھیں:کیا وکٹ کیپر بیٹر حسیب اللہ ویسٹ انڈیز کیخلاف دوسرے ٹیسٹ کیلئے دستیاب ہوں گے؟