(24نیوز) حکومت نے پسماندہ افغان شہریوں کے تیسرے ممالک کیلئے افغانستان سےانخلاء کے تیسرے مرحلے کی منظوری دے دی۔
وزارت داخلہ کی جانب سے بھیجی گئی سمری پر وفاقی کابینہ نے تیسرے مرحلے کی منظوری دی ہے۔ سمری کے مطابق افغان شہریوں کو دیگر ممالک تک رسائی کے لیے محفوظ انخلا فراہم کیا جائے گا۔ اس حوالے سے نوٹیفکیشن جاری کردیا گیا ہے۔
وفاقی کابینہ سے منظور شدہ فیصلے کے تحت پسماندہ افغان شہریوں کو پاکستان کیلئے ویزہ آن آرائیول کی سہولت دیدی گئی ہے۔ تاہم یہ سہولت صرف ان پسماندہ افغان شہریوں کو میسرہوگی جوپاکستان کے راستے دیگرممالک جانے کے اہل ہوں گے۔
یہ بھی پڑھیں:ریلوے ملازمین کے لئے اہم خبر
سمری میں کہا گیا ہے کہ اس سہولت کا اطلاق ان افغان شہریوں پر ہوگا جن کو کسی تیسرے ملک نے اسپانسرکیا ہو۔ اس پالیسی کا اطلاق 60 دن کیلئے ہوگا۔ جو کہ 8 جون سے نافذالعمل ہوچکی ہے اور 8 اگست تک نافذالعمل رہے گا۔