بجٹ: بینظیر انکم سپورٹ پروگرام کی رقم میں غیرمعمولی اضافہ

(24نیوز) وزیر خزانہ مفتاح اسماعیل نے مالی سال 2022-23 کے لیے بجٹ پیش کرتے ہوئے کہا کہ آئندہ مالی سال میں بینظیر انکم سپورٹ پروگرام کے لیے 250ارب کی بجائے 364ارب روپے مختص کیے گئے ہیں۔

آئندہ مالی سال رمضان پیکیج کیلئے5ارب روپےکی اضافی رقم رکھی گئی ہے آئندہ مالی سال بینظیر کفالت کیش ٹرانسفرکےلئے 266ارب روپے مختص کیے گئے ہیں۔ بینظیرتعلیمی وظائف پروگرام کا دائرہ ایک کروڑ بچوں تک بڑھایا جائےگا جب کہ آئندہ مالی سال بینظیرتعلیمی وظائف کے لئے35ارب روپےمختص کیے گئے ہیں۔

آئندہ مالی سال10ہزارنئےطالبعلموں کوبینظیرانڈرگریجوایٹ اسکالرشپ دی جائے گی اور بینظیرانڈر گریجوایٹ اسکالرشپ کیلئے9ارب روپے رکھے گئے ہیں۔

یہ بھی پڑھیں:عوام پر پھر پٹرول بم گرانے کی تیاریاں ؟

بجٹ میں بینظیرنشونما پروگرام کیلئے ساڑھے 21ا رب روپے مختص کئے گئے ہیں۔ مستحق افراد کےعلاج اور امداد کیلئے پاکستان بیت المال کو 6 ارب روپےدیں گے۔

یوٹیلیٹی اسٹورز پر سستی اشیا کی فراہمی کےلئے12ارب روپےمختص کیے گئے ہیں۔