ملائیشیا کے سابق وزیراعظم پر کرپشن کے الزامات میں فرد جرم عائد

(ویب ڈیسک) ملائیشیا کے سابق وزیراعظم یاسین محی الدین پر کرپشن کے الزامات میں فرد جرم عائد کردی گئی۔

بین الاقوامی خبررساں ادارے کی رپورٹ کے مطابق ملائیشیا کے سابق وزیراعظم یاسین محی الدین پر کورونا وباء کے دوران حکومتی ٹھیکوں میں کرپشن، منی لانڈرنگ اور اختیارات کے غلط استعمال کا الزام ہے جس پر سابق وزیراعظم پر فرد جرم عائد کردی گئی ہے۔

2020ء میں ملائیشیا کے وزیراعظم رہنے والے یاسین محی الدین پر کوالالمپور کی عدالت نے 6 مقدمات میں فرد جرم عائد کی۔

یاسین محی الدین سے ملائیشیا کی انٹی کرپشن ایجنسی نے تفتیش کی جس کے بعد ان پر فرد جرم عائد کرنے کا فیصلہ کیا گیا۔

BREAKING: Malaysia's former Prime Minister Muhyiddin Yassin has been arrested and will be brought to court to face corruption charges. Muhyiddin will be the country’s second leader to be indicted after leaving office. https://t.co/BsLfvZZtbJ

— The Associated Press (@AP) March 9, 2023

یاسین محی الدین کی حکومت نے کورونا وائرس کے دوران تعمیرات کے شعبے میں بلڈنگ کنٹریکٹرز کی مدد کیلئے سپورٹ پروگرام کا اعلان کیا تھا۔

یاسین محی الدین پر 195 ملین ملائیشین رنگٹ کی منی لانڈرنگ اور 51.40 ملین امریکی ڈالر کی کرپشن کا الزام ہے۔

ملائیشیا کے سابق وزیراعظم نجیب رزاق کے بعد یاسین محی الدین دوسرے سابق وزیراعظم ہیں جنہیں کرپشن کے الزامات کا سامنا ہے۔