پاکستان نے زمبابوے کو ٹیسٹ سیریز میں کلین سویپ کردیا

(24نیوز) پاکستان نے زمبابوے کو دوسرے ٹیسٹ میں اننگز اور 147 رنز سے شکست دے دی۔فالو آن کا شکار زمبابوے کی ٹیم دوسری اننگز میں 231 رنز پر آؤٹ ہوگئی۔ شاہین آفریدی اور نعمان علی نے 5، 5 کھلاڑیوں کو آؤٹ کیا۔

 پاکستان کے 510 کے جواب میں زمبابوے کی ٹیم پہلی اننگز میں حسن علی اور ساجد خان کی شاندار باؤلنگ کے آگے زیادہ دیر وکٹ پر کھڑی نہ رہ سکی اور پوری ٹیم 132 رنز بناکر پویلین لوٹ گئی۔ حسن علی نے 5 وکٹیں حاصل کیں جب کہ شاہین شاہ آفریدی اور تابش خان نے ایک ایک کھلاڑی کو آؤٹ کیا۔

There you have it! Pakistan beat ???????? by an innings and 147 runs to win series 2-0!#ZIMvPAK | #OsakaBatteries | #ServisTyresTestSeries | #VisitZimbabwe pic.twitter.com/syO4VEofee

— Zimbabwe Cricket (@ZimCricketv) May 10, 2021

اس سے قبل پاکستان نے عابد علی کی ڈبل سنچری اور اظہر علی کی سنچری کی بدولت اپنی اننگز 510 رنز پر ڈکلیئر کی۔ اوپنر عابد علی نے کیریئر کی پہلی ڈبل سنچری سکور کی وہ ہرارے میں ڈبل سنچری بنانے والے دوسرے پاکستانی بلے باز بن گئے۔ اس سے قبل سابق کپتان اور موجودہ بیٹنگ کوچ یونس خان نے 2013 میں ڈبل سنچری سکور کی تھی۔نعمان علی نے 97، محمد رضوان 21 اور ساجد خان 20 رنز بناکر نمایاں رہے۔