(24 نیوز)اسرائیلی فوج کے مسجد اقصیٰ پر حملے کیخلاف نور بخاری نے دبنگ اعلا ن کر دیا۔سابق اداکارہ نے مسجد الاقصیٰ سے متعلق مشہور شخصیات سے شدید ناراضگی کا اظہار کیا ۔
تفصیلات کے مطابق نور بخاری نے سوال کیا ہے کہ سب خاموش کیوں ہیں؟ اس معاملے پر ظلم کے خلاف کوئی اپنی آواز کیوں نہیں اٹھا رہا؟
انہوں نے انسٹاگرام پر مقبوضہ بیت المقدس پر ہونے والے حملے کی تصویر شیئر کرتے ہوئے کیپشن تحریر کیا کہ اسرائیل نے اس وقت مسجد پر حملہ کیا جب ہمارے مسلمان بہن بھائی نماز ادا کر رہے تھے۔ سب خاموش کیوں ہیں؟ خدا کے لیے آواز اٹھاو، کہاں گئیں ہماری سلیبریٹیز، کوئی ٹوئٹ اب تک نہیں آیا۔
نور بخاری نے کہا کہ مجھے خطرہ ہے اور اس سے متعلق میں تنبیہہ کر تی ہوں کہ خدا کے لیے آواز بلند کرو ورنہ تباہی ہمارا مقدر بن جائے گی۔
یہ بھی پڑھیں:اللہ اکبر۔۔اللہ اکبر۔۔لندن کے سب سے مشہور ٹاور برج پر پہلی مرتبہ اذان سو شل میڈیاپر وا ئرل