پاکستان نے اب تک اچھی کرکٹ کھیلی۔لیکن ہم جیتنے کیلئے آئے ہیں۔آسٹریلوی کپتان

 (نیوزایجنسی)آسٹریلوی کپتان ایرون فنچ نے کہا ہے کہ مومنٹم ہمارا شروع سے بنا ہوا ہے اور ہم جیت کےلئے یہاں ہیں۔اپنے بیان میں آسٹریلوی کپتان ایرون فنچ نے کہا کہ پاکستانی ٹیم فارم میں ہے، اچھا کھیلتی ہوئی آ رہی ہے، یہ سب ہمارے ذہن میں ہے۔
ایرون فنچ نے کہا کہ پاکستان نے اچھی کرکٹ کھیلی ہے پانچ لگاتار میچز جیتے ہیں، ماضی میں رزلٹ کیا رہے اس بارے میں نہیں سوچ رہے۔انہوں نے کہا کہ عماد وسیم پاور پلے میں اچھی بولنگ کر رہے ہیں، شاداب کی بولنگ بھی اچھی ہے، پاور پلے بڑا اہم ہوتا ہے چاہے آپ بولنگ کر رہے ہوں یا بیٹنگ۔آسٹریلوی کپتان نے کہا کہ شاہین آفریدی اچھی فارم میں ہیں پاور پلے بڑا اہم ہوگا، ہمیں پاور پلے میں رنز کرنا ہوں گے۔ایرون فنچ نے کہا کہ ٹاس زیادہ اہم نہیں ہوتا آپ کو زیادہ سے زیادہ رنز کرنا ہوتے ہیں، پاکستان کے خلاف سیمی فائنل کے لئے ہر کمبی نیشن پر غور کر رہے ہیں۔
انہوں نے کہا کہ آسٹریلیا کی ٹیم ٹی ٹونٹی فارمیٹ میں بھی اچھی ہے جبکہ پاکستان ٹیم اچھی کرکٹ کھیل رہی ہے ہمارا ایک اچھا امتحان ہوگا۔ان کا کہنا تھا کہ اچھا لگتا ہے کہ آسٹریلین کرکٹرز دوسرے ممالک کی کرکٹ سے منسلک ہو رہے ہیں۔،واضح رہے کہ پاکستان اور آسٹریلیا کے درمیان کل (جمعہ)کو دوسرا سیمی فائنل کھیلا جائے گا۔
یہ بھی پڑھیں۔