سابق وزیر اعظم عمران خان کی سیکورٹی قومی خزانے پر بھاری, تفصیلات سامنے آگئیں

(24نیوز) سابق وزیراعظم عمران خان کی سیکیورٹی پر کتنے اخراجات آ رہے ہیں تفصیلات سامنے آ گئیں ہیں۔ سرکاری دستاویزات کے مطابق عمران خان کی سیکیورٹی پر ماہانہ 2 کروڑ 19 لاکھ روپے خرچہ آ رہا ہے جس کے مطابق سالانہ عمران خان کی سیکیورٹی اخراجات 26 کروڑ 31 لاکھ روپے خرچ ہورہے ہیں۔ ماہانہ وفاقی حکومت کی طرف سے عمران خان کو دی جانے والی سیکیورٹی اہلکاروں کے اخراجات 1 کروڑ 70 لاکھ روپے ہیں تاہم صوبائی حکومتوں کی طرف سے عمران خان کو دی جانے والی سیکورٹی کے اخراجات 44 لاکھ 40 ہزار روپے ماہانہ ہیں ۔ سرکاری دستاویزات کے مطابق عمران خان کی سکیورٹی کیلئے گاڑیوں کے پیٹرول اور دیگر اخراجات پر ماہانہ 4 لاکھ 20 ہزار روپے خرچ ہو رہے ہیں ۔