آزادکشمیرضمنی انتخابات: ایک نشست پر پی ٹی آئی کامیاب، دوسری پر پی پی کو برتری 

(24 نیوز)آزادکشمیر کے دو حلقوں کے ضمنی الیکشن میں ایل اے 3 سے تحریک انصاف کے امیدوار نے میدان مار لیا، دوسری نشست پر پیپلزپارٹی کے امیدوار آگے ہیں۔
تفصیلات کے مطابق آزاد کشمیر کے 2 حلقوں ایل اے 12 کوٹلی اور ایل اے 3 میر پور پر ضمنی انتخاب کیلئے پولنگ بغیر کسی وقفے کے بغیر شام 5 بجے تک جاری رہی۔ایل اے 12 چڑہوئی کے 195 پولنگ سٹیشنز کے غیر حتمی غیر سرکاری نتائج کے مطابق پیپلزپارٹی کے چودھری عامر یاسین24 ہزار306 ووٹ لے کر آگے ہیں جبکہ پی ٹی آئی کے چودھری شوکت فرید18 ہزار735 ووٹوں کیساتھ دوسرے نمبر پر ہیں۔
میرپور آزادکشمیر کے ایل اے 3 کے 147 پولنگ سٹیشنز کا غیرحتمی و غیر سرکاری نتائج کے مطابق تحریک انصاف کے یاسر سلطان 20142 ووٹ لے کر جیت گئے ، ان کے مدمقابل ن لیگ کے چودھری سعید11608 ووٹ لے کر دوسرے نمبر پر رہے ۔

یہ بھی پڑھیں: طالبان پکڑتے تو اشرف غنی کیاکرتے ۔۔۔۔سابق محافظ کا سنسنی خیز انکشاف