یوٹیلیٹی اسٹورز نے وزیر اعظم پیکچ کے تحت جہانگیر ترین کی شوگر ملز سے چینی خریدلی

(24نیوز)یوٹیلیٹی اسٹورز نے جہانگیر ترین کی ڈی ڈبلیو شوگر ملزسے50 ہزار میٹرک ٹن چینی خریدی ہے ۔

ذرائع کے مطابق یوٹیلیٹی اسٹورز نے 50 ہزار ٹن چینی کی خریداری کیلئے ٹینڈر جاری کیا تھا ۔جو یوٹیلیٹی اسٹورز نے جہانگیر ترین کی ڈی ڈبلیو شوگر ملزسے50 ہزار میٹرک ٹن چینی خریدی ہے ۔یوٹیلیٹی اسٹورز نے78روپے94 پیسے فی کلو کے حساب سے چینی خریدی اخراجات ملاکرکارپوریشن کو چینی تقریبا83 روپے فی کلو میں پڑے گی۔ 

حکام کا کہنا ہے کہ وزیر اعظم پیکچ کے تحت چینی 70 روپے فی کلو میں فروخت کی جائے گی ،چینی کی خریدو فروخت میں فرق سبسڈی سے پورا کیا جائے گا ۔وزیر اعظم پیکچ کے تحت یوٹیلیٹی اسٹورز پر چینی کی قیمت70 روپے فی کلو مقرر ہے۔