افغان کرکٹ ٹیم کا نیا کپتان کون ؟ نام کا اعلان کر دیا گیا
Stay tuned with 24 News HD Android App
(24 نیوز)افغانستان کرکٹ بورڈ نے ورلڈ ٹی ٹوئنٹی سکواڈ کی قیادت سے راشد خان کے استعفے کے بعد نئے کپتان کا اعلان کردیا۔
افغان کرکٹ بورڈ کی جانب سے جاری اعلامیے کے مطابق راشد خان کی جگہ ٹی ٹوئنٹی ورلڈ کپ میں محمد نبی ٹیم کی قیادت کریں گے۔ باقی سکواڈ میں کوئی تبدیلی نہیں کی گئی ہے۔کپتانی سے استعفیٰ دینے والے راشد خان بھی سکواڈ میں موجود ہیں۔
خیال رہے کہ افغان کرکٹر راشد خان ٹی ٹوئنٹی کرکٹ ٹیم کی قیادت سے دستبردار ہوگئے ہیں۔راشد خان نے قیادت چھوڑنے کا فیصلہ افغانستان کرکٹ ٹیم کے ٹی ٹوئنٹی ورلڈکپ سکواڈ کے اعلان کے چند گھنٹوں بعد کیا۔راشد خان نے کہا کہ ورلڈکپ کیلئے اعلان کردہ ٹیم میں میری مشاورت شامل نہیں تھی بطور کپتان ٹیم کے انتخاب میں میری رائے ضروری تھی۔
یہ بھی پڑھیں: ٹی 20ورلڈ کپ کیلئےپسند کا سکواڈ نہ ملنے پر افغانستان کی کرکٹ ٹیم کے کپتان کا استعفا