تو نہیں اور سہی۔۔سشانت سنگھ راجپوت کی سابق گرل فرینڈ شادی کیلئے ریڈی

(مانیٹرنگ ڈیسک)خودکشی کرکے موت کو گلے لگانےوالے بھارتی فلم انڈسٹری بالی ووڈ کے آنجہانی اداکار سشانت سنگھ راجپوت کی سابق گرل فرینڈ انکیتا لوکھنڈے نے شادی کرنے کی تیاری کر لی ۔

میڈیا رپورٹس کے مطابق  بھارتی ماڈل و اداکار شہیر  نواز شیخ نے ایک حالیہ انٹرویو میں یہ انکشاف کیا ہے کہ انکیتا لوکھنڈے بھارت کے ایک بزنس میں وکی جین کے ساتھ شادی کرنے جا رہی ہیں۔  انکیتا لوکھنڈے کے گزشتہ تین سال سے وکی جین کے ساتھ  تعلقات ہیں۔وکی جین کے ساتھ تعلق سے قبل انکیتا سشانت سنگھ راجپوت کے ساتھ تعلق میں تھیں،6سال کے تعلق کے بعد 2016ءمیں  ان کی علیحدگی ہو گئی۔ مئی 2021میں ایک انٹرویو میں خود انکیتا نے بھی انکشاف کیا تھا کہ وہ اپنے بوائے فرینڈ وکی جین کے ساتھ شادی کرنے کی منصوبہ بندی کررہی ہیں۔ انہوں نے  کہا تھا کہ شادی ایک بہت خوبصورت چیز ہے اور میں شادی کرنے کے لئے خاصی پرجوش ہوں۔

یاد رہے کہ 'ایم ایس دھونی' اور 'پی کے' جیسی سپرہٹ فلموں میں بہترین اداکاری سے مداحوں کا دل جیتنے والے 34 سالہ سشانت سنگھ راجپوت نے ماہ جون 2020 میں خودکشی کر لی تھی۔ وہ ممبئی میں سشانت باندرہ میں واقع اپنے گھر میں لاک ڈاؤن کے دوران اکیلے رہ رہے تھے۔

یہ بھی پڑھیں:پسند کی شادی کرنیوالے لڑکے کا دل ہلا دینے والا انجام