(24نیوز)محکمہ موسمیات نے ملک کے بیشتر علاقوں میں آج موسم گرم اور خشک رہنے کی پیش گوئی کی ہے جبکہ کراچی میں بھی آج گرمی برقرار رہنے کا امکان ہے۔
میٹ آفس کے مطابق کراچی میں آج بھی موسم گرم اور خشک رہے گا جبکہ درجہ حرارت 38 سے 39 سینٹی گریڈ تک رہنے کا امکان ہے۔صبح کے اوقات میں شہر کا درجہ حرارت 26 ڈگری سینٹی گریڈ ریکارڈ کیا گیا۔ ہوا میں نمی کا موجودہ تناسب 38 فیصد ہے۔ شہر میں شمال مغرب سے ہوائیں 9 کلو میٹر فی گھنٹہ کی رفتار سے چل رہی ہیں۔
دوسری جانب محکمہ موسمیات کے مطابق بالائی خیبر پختونخوا، خطہ پوٹھوہار، گلگت بلتستان اور کشمیر میں تیز ہواؤں اور گرج چمک کے ساتھ بارش برس سکتی ہے۔ملک کے بالائی علاقوں میں مطلع جزوی ابر آلود رہے گا۔ کشمیر میں بھی مطلع جزوی ابر آلود رہنے کے علاوہ تیز ہواؤں، آندھی اور گرج چمک کے ساتھ بارش متوقع ہے۔گزشتہ 24 گھنٹے کا موسم ملک کے بیشتر علاقوں میں موسم خشک جبکہ سندھ اور جنوبی بلوچستان میں گرم رہا۔ تاہم پاراچنار(خیبرپختونخوا) میں 03 ملی میٹر بارش ریکارڈ کی گئی۔
یہ بھی پڑھیں: کورونا ویکسین سے امیر ممالک کو نوازا اورغریب کو نظرانداز کیا جا رہا ہے، ڈبلیو ایچ او