ن لیگ نہیں جیتی۔ پی ٹی آئی ہاری ہے: فواد چودھری

 (24نیوز)وفاقی وزیر سائنس اینڈ ٹیکنالوجی فواد چودھری نے کہا ہے کہ ڈسکہ  ضمنی انتخابات میں مسلم لیگ ن نہیں جیتی بلکہ تحریک انصاف ہاری ہے اور اس کی وجوہات ہیں جن کی طرف وہ پارٹی میں توجہ دلاتے ہی رہے ہیں۔

سوشل میڈیا پر جاری کئے گئے اپنے بیان میں فواد چودھری نے کہا کہ نواز شریف کا کوئی نظریہ نہیں اور نہ ہی مسلم لیگ ن نظریاتی جماعت ہے۔ طویل عرصہ اقتدار میں رہنے سےمفاداتی ٹولہ بن جاتا ہے، ان حواریوں کو نظریاتی نہیں کہا جاسکتا۔

نواز شریف کا کوئ نظریہ نہیں ہے نہ ہی نون لیگ کوئ نظریاتی جماعت ہے ایک طویل عرصہ اقتدار میں رہنے کی وجہ سے مفاداتی ٹولہ بن جاتا ہے ان حواریوں کو نظریاتی نہیں کہا جا سکتا، ڈسکہ میں نون لیگ نہیں جیتی PTI ہاری ہے اور اس کی وجوہات ہیں جن کی طرف میں پارٹی کے اندرتوجہ دلاتا ہی رہا ہوں https://t.co/CNVA3JxdE6

— Ch Fawad Hussain (@fawadchaudhry) April 11, 2021

اُنہوں نے کہا کہ پاکستان میں جمہوریت کی اُمید عمران خان ہیں، عمران خان کے مقابلے میں سیاسی قد کاٹھ کا کوئی لیڈر نہیں۔بلاول اور مریم کو پاکستان کا لیڈر تسلیم کرنا جمہوریت کے منہ پر تھپڑ رسید کرنا ہے۔

پاکستان میں جمہوریت کی امید عمران خان ہیں، ان کے مقابلے میں کوئ سیاسی قد کاٹھ کا لیڈر نہیں ہے، بلاول اور مریم کو پاکستان کا لیڈر تسلیم کرنا جمہوریت کے منہ پر تھپڑ رسید کرنا ہو گا، PTI کو اپنی صفیں درست کرنا ہوں گی اس ملک کا مستقبل PTI اور@ImranKhanPTI کی کامیابی سے وابستہ ہے

— Ch Fawad Hussain (@fawadchaudhry) April 11, 2021

ان کا مزید کہناتھا کہ ملک کا مستقبل پی ٹی آئی اور عمران خان کی کامیابی سے وابستہ ہے۔
 یہ بھی پڑھیں: نواز شریف کے قریبی ساتھی بھی کورونا سے انتقال کر گئے