(ویب ڈیسک) بھارت میں سیٹ کے معاملے پر دو خواتین لڑ پڑیں جس کی ویڈیو سوشل میڈیا پر وائرل ہوگئی۔
بھارتی میڈیا رپورٹس کے مطابق دہلی میٹرو میں خاتون نے ساتھ بیٹی خاتون سے جھگڑے کے بعد اس کے چہرے پر مرچوں کا اسپرے کردیا۔
دونوں خواتین کے درمیان سیٹ کے معاملے پر جھگڑا ہوا تھا۔
ویڈیو میں دیکھا جاسکتا ہے کہ سرخ لباس میں ملبوس خاتون معمر خاتون سے جھگڑ رہی ہے اور انہیں مغلظات بھی بک رہی ہے۔ خاتون کی جانب سے مرچوں کا اسپرے چھڑکنے کے بعد میٹرو میں موجود دیگر خواتین کھانستے ہوئے نشست سے اٹھ کر کھڑی ہوگئیں۔
واضح رہے کہ دہلی میٹرو میں جھگڑے معمول کی بات ہیں اس سے قبل بھی اسی طرح کے جھگڑے کی ایک ویڈیو سوشل میڈیا پر وائرل ہوگئی تھی۔