پیپلزپارٹی نے پی ٹی آئی کی بڑی وکٹ اڑا دی

(ویب ڈیسک) پی ٹی آئی کے اہم رہنما نے پیپلز پارٹی میں شمولیت اختیار کر لی۔

پاکستان تحریک انصاف پی ٹی آئی کے صوابی سے اہم رہنما بلند خان ترکئی نے خاندان اور ساتھیوں کے ہمراہ پاکستان پیپلز پارٹی میں شمولیت کا اعلان کر دیا ہے۔ انہوں نے سابق صدر آصف علی زرداری سے ملاقات کی اور خیالات کا اظہار کیا کہ پی پی پی نے خیبرپختونخواہ کے عوام کو شناخت دی ہے، کے پی کے عوام آپ یہ احسان کبھی نہیں بھول سکتے۔ جس پر آصف علی زرداری نے ترکئی خاندان اور ان کے ساتھیوں کی پیپلز پارٹی میں شمولیت کا خیرمقدم کیا۔

مزید پڑھیں: پاکستان روس سے تیل درآمد کیلئے پہلا آرڈر اسی مہینے دے گا،مصدق ملک

صوابی کے اہم سیاست دان بلند خان ترکئی نے خاندان اور ساتھیوں سمیت پیپلز پارٹی میں شمولیت اختیار کرتے ہوئے پی پی پی قیادت پر بھرپور اعتماد کا اظہار کیا ہے۔

واضح رہے کہ بلند خان ترکئی پی ٹی آئی کے صوبائی وزیر شہرام ترکئی کے چچا ہیں اور ان دونوں کے درمیان اختلافات گزشتہ برس اکتوبر میں ایک کالج کے افتتاح کے دوران کھل کر سامنے آ گئے تھے۔