بیساکھی میلہ :ننکانہ میں تعلیمی ادارے پانچ دن بند رکھنے کا اعلان

(24نیوز)بچوں کی پھر موجیں لگ گئیں،بیساکھی میلے کےموقع پر ننکانہ صاحب کی ضلعی انتظامیہ نے تعلیمی ادارے پانچ دن بند رکھنے کا اعلان کر دیا ہے۔

ننکانہ صاحب ضلعی انتظامیہ نے باقاعدہ نوٹیفکیشن جاری کر دیا ہے، بیساکھی میلہ میں شرکت کیلئے بھارت سے سکھ یاتریوں کی ایک بڑی تعداد پاکستان پہنچ چکی ہے، انڈیا سے سات ہزار کے قریب سکھ یاتری ننکانہ صاحب پہنچیں گے۔

پاکستان سمیت دنیا بھر سے بھی ہزاروں سکھ یاتری بیساکھی میلہ میں شرکت کریں گے، مرکزی تقریب 14 اپریل کو ہو گی، بیرون ممالک سے آنے والے سکھ یاتری 12 اپریل کو ننکانہ صاحب پہنچیں گے۔

یہ بھی پڑھیں: سیاسی پارہ ہائی،نواز شریف نے بڑا اعلان کر دیا

ڈی پی او کی ہدایت پر سکھ برادری کے بیساکھی میلے کا پولیس نے سیکیورٹی پلان جاری کر دیا ہے، ترجمان پولیس کے مطابق 2000 پولیس افسران و جوان سکیورٹی ڈیوٹی پر مامور ہوں گے۔

ضلعی پولیس کے علاوہ پنجاب کنسٹیبلری فاروق آباد اور دیگر اضلاع سے اضافی نفری بھی طلب کی گئی ہے۔