قومی فاسٹ بولر احسان اللہ کی قسمت جاگ اٹھی، اہم فرنچائز نے منتخب کرلیا

(24نیوز)قومی کرکٹ ٹیم کے فاسٹ باولر احسان اللہ کی قسمت کا ستارہ چمک اٹھا ہے ، پشاور زلمی نے انہیں سپلمنٹری کیٹیگری میں منتخب کر لیاہے ۔

تفصیلات کے مطابق احسان اللہ پی ایس ایل ڈرافٹنگ میں کسی بھی ٹیم کا حصہ نہیں بنے تھے لیکن اب وہ سپلمنٹری کیٹیگری میں منتخب ہو گئے ہیں ۔

چئیر مین پشاور زلمی جاوید آفریدی نے اپنے بیان میں کہا ہے کہ احسان الللہ کو ٹیم زلمی میں خوش آمدید کہتے ہیں۔

کوچ محمد اکرم کا کہنا تھا کہ احسان اللہ دو مہینے سے ہمارے ساتھ موجود اور رابطے میں رہے،احسان اللہ پاکستان کے لیے اثاثہ ہیں ، ان کو سپورٹ کریں گے ، احسان اللہ کو پشاور زلمی نے سپلیمینٹری پک میں سکواڈ میں شامل کیا ہے۔

یاد رہے کہ پاکستان سپر لیگ سیزن 10 کا آغاز آج ہونے جارہاہے ، اس سلسلے میں شام سات بجے راولپنڈی سٹیڈیم میں پروقار افتتاحی تقریب کا انعقاد کیا جائے گا ۔
 یہ بھی پڑھیں:ایک ہی دن میں سونے کی قیمت میں تاریخی اضافہ، نیا ریکارڈ قائم ہو گیا