موسم کے حوالے سے اہم پیش گوئی 

(روزینہ علی)محکمہ موسمیات نے کہا ہے کہ آج رات بالائی پنجاب، بالائی خیبرپختونخوا، کشمیر اورگلگت بلتستان میں مطلع جزوی ابرآلود رہنے کے علاوہ تیز ہواؤں/آندھی اور گرج چمک کے ساتھ بارش کا امکان ہے،اس دوران چند مقامات پرژالہ باری متوقع ہےجبکہ  ملک کے دیگرعلاقوں میں موسم گرم اورخشک رہنے کا امکان ہے۔

رپورٹ کے مطابق ہفتے کے روز اسلام آباد اور گردونواح میں موسم گرم اورخشک رہنے کا امکان ہے۔

اسی طرح خیبرپختونخواکے بیشتر اضلاع میں موسم خشک جبکہ جنوبی اضلاع میں گرم رہنے کا امکان ہے۔ادھرپنجاب کے بیشتر اضلاع میں موسم گرم اور خشک رہنے کا امکان ظاہر کیا گیا ہے۔

بلوچستان کے بیشتر اضلاع میں موسم خشک جبکہ جنوبی اضلاع میں گرم رہنے کا امکان ہے۔سندھ کے بیشتر اضلاع میں موسم گرم اور خشک رہنے کا امکان ہے۔

کشمیر اور گلگت بلتستان میں بھی موسم خشک رہنے کا امکان ہے۔

آج زیادہ سےزیادہ درجہ حرارت  پڈعیدن، موہنجو داڑو ، شہید بینظیر آباد 44، دادو اور لاڑکانہ میں 43 ڈگری سینٹی گریڈ ریکارڈ کیا گیا۔

یہ بھی پڑھیں:کون کونسے اداروں کی نجکاری ہوگی؟فائنل نام سامنے آ گئے