پی ایس ایل 10 کی رنگا رنگ تقریب، فنکاروں کی پرفارمنس، ٹرافی کی رونمائی
Stay tuned with 24 News HD Android App
(24 نیوز)پی ایس ایل 10 کی رنگا رنگ افتتاحی تقریب راولپنڈی میں جاری ہے، ایونٹ کی ٹرافی کی رونمائی کی گئی ۔علی ظفر سمیت مختلف فنکاروں نے شاندار پرفارمنس پیش کی، شرکا نے نغموں پر خوب جوش و خروش کا مظاہرہ کیا۔
راولپنڈی میں منعقد ہونے والی تقریب کا آغاز فلائنگ مین کے جیٹ پروپلژن کے مظاہرے کے ساتھ کیا گیا۔جیٹ پروپلژن کا مظاہری کرنے والے فلائنگ مین نے پی ایس ایل 10 کی ٹرافی سی ای او پی ایس ایل سلمان نصیر کے سپرد کی جنہوں نے اس کو اسٹیج پر سجایا۔
بعدازاں سرتال اکیڈمی کے بچوں نے قومی ترانہ پیش کیا۔پی ایس ایل دس کی خوبصورت چمچماتی ٹرافی کی بھی سٹیج پر رونمائی کی گئی۔
افتتاحی تقریب میں میزبانی کے فرائض نامور پریزنٹر زینب عباس نے انجام دیے۔ ترانے کے بعد اداکار حمزہ علی عباسی نے اسٹیج پر گفتگو کی جس کے بعد معروف صوفی گلوکارہ عابدہ پروین نے اپنے فن کا مظاہرہ کیا۔
بعد ازاں تقریب میں شریک لوگ ینگ اسٹنرز کی پرفارمنس سے محظوظ ہوئے۔ جس کے بعد مشہور پاپ گلوکار علی ظفر نے شاندار پرفارمنس پیش کرتے ہوئے اپنے سندھی، پنجابی، بلوچی اور پشتو میں گانے پیش کیے۔