عمران خان کو عدالت سے بڑا ریلیف مل گیا

(ویب ڈیسک) لاہور ہائیکورٹ نے عمران خان کے بیک وقت 9 حلقوں سے الیکشن لڑنے کے خلاف درخواست خارج کر دی۔ عدالت نے درخواست واپس لینے کی بناء پر مسترد کی۔

 یہ بھی پڑھیں:ڈالر کے پر کٹ گئے: انٹربینک میں روپیہ مسلسل تگڑا ہونے لگا

ہائیکورٹ کے سنگل بنچ نے شہری میاں آصف محمود کی درخواست پر سماعت کی۔ وفاقی حکومت کی جانب سے ڈپٹی اٹارنی جنرل اسد علی باجوہ پیش ہوئے۔ وکیل درخواست گزار نے موقف اپنایا کہ عمران خان 9 حلقوں سے الیکشن میں حصہ لینے کا اعلان کرچکے ہیں، دنیا میں کسی جگہ ایسا نہیں ہوتا کہ کوئی امیدوار ایک سے زیادہ حلقوں سے الیکشن لڑے۔

عدالت نے کہا کہ یہ تو اخباری رپورٹ ہے کہ عمران خان الیکشن میں حصہ لے رہے ہیں، بتائیں کیا عمران خان نے کسی حلقہ سے کاغذات نامزدگی جمع کروائے ہیں، ابھی تو یہ پٹیشن قبل از وقت ہے، کیا یہ درخواست آپ واپس لینا چاہتے ہیں یا عدالت اس پر میرٹ پر فیصلہ کر دے۔

جس پر وکیل درخواست گزار نے عدالت کو بتایا کہ میں یہ درخواست واپس لے لیتا چایتا یوں۔

خیال رہے وکیل درخواستگزار نے موقف اپنایا تھا کہ عمران خان ایم این اے ہوتے ہوئے الیکشن میں حصہ نہیں لے سکتے، ماضی میں عمران خان، بلاول بھٹو اور علیم خان نے ایک سے زیادہ حلقوں سے الیکشن میں حصہ لیا۔

درخواستگزار نے عدالت سے استدعا کی کہ رولز میں ترمیم کر کے ایک شخص کو ایک ہی نشست سے الیکشن لینے میں حصہ لینے کا پابند کیا جائے، عمران خان کو 9 نشستوں پر ضمنی انتخابات میں حصہ لینے سے روکا جائے۔