(سلمان سلیم) کراچی کے پوش علاقے میں 8 ڈاکوؤں کی انوکھی واردات، نوجوان شہری سے موٹر سائیکل چھین لی ، جس کی ویڈیو سامنے آگئی ۔
تفصیلات کے مطابق کراچی کے پوش علاقے کوکن سوسائٹی میں ایک نہیں دو نہیں بلکہ 8 موٹر سائیکل سوار ملزمان نے نوجوان سے موٹر سائیکل چھین لی، واردات کی سی سی ٹی وی منظرعام پر آگئی۔
ویڈیو میں 8 ڈاکوؤں کو واردات کرتے اور شہری پر تشددکرتے دیکھا جاسکتاہے جس کا مقدمہ بہادر آباد میں در ج کرلیاگیا۔
مدعی کا کہنا ہے کہ میں عالمگیر سے آج صبح 9 بجے چائے لے کر آرہا تھا ،جیسے ہی میں کوکن سوسائٹی والے روڈ پر رانگ وے سے جانے لگا سامنے سے 8 موٹر سائیکلوں پر کئی مسلح ملزمان آگئے ،مجھے تپھڑ مارے اور اسلحے کے زور پر موٹر سائکل بھی چھین لی۔
یہ بھی پڑھیں:عدالتی فیصلوں پر عملدرآمد ،سپریم کورٹ ان ایکشن،9 مئی کے واقعات پر معافی کون مانگے؟
مدعی کا مزید بتانا ہے کہ سی سی ٹی وی میں 6 موٹر سائیکل نظر آرہی ہیں ، دو موٹر سائیکلیں آگے جاکر کھڑی ہوگئی تھیں۔
پولیسن کے مطابق واقعہ آج صبح 9 بجے پیش آیا ہے جبکہ ملزمان کی تلاش جاری ہے۔