معاشی اعشاریوں میں بہتری ، وزیراعظم کا اظہار مسرت

(24نیوز)وزیر اعظم عمران خان نے ملکی معیشت میں بہتری کی نوید سناتے ہوئے مسلسل چھ ماہ تک ترسیلات زر 2 ارب ڈالر سے زائد رہنے کی پیشگوئی کردی۔

وزیر اعظم عمران خان نے سماجی رابطے کی ویب سائٹ ٹوئٹر پر ترسیلات زر سے متعلق اپنے بیان میں کہا ہے کہ پاکستان کی معیشت سے متعلق مزید خوشخبریاں آرہی ہیں۔نومبر میں ترسیلات زر 2 ارب 34 کروڑ ڈالرکی ریکارڈ سطح  تک پہنچ گئیں جو آنے والے6 ماہ تک 2 ارب ڈالر سے زائد رہیں گی۔

More good news for Pakistan's economy as workers’ remittances continued to grow in November - remaining above US$2 billion for a record 6th consecutive month. Acc to SBP they rose to US$2.34 billion, up 2.4% over the previous month & 28.4% over November 2019.

— Imran Khan (@ImranKhanPTI) December 11, 2020

  
 عمران خان کامزید کہنا تھا کہ نومبر میں  اکتوبر کے مقابلے میں ترسیلات زر میں دو اعشاریہ چار فیصد اضافہ ریکارڈ ہوا ۔گزشتہ سال نومبر کے مقابلے میں یہی  ترسیلات زر 28اعشاریہ 4فیصد تھیں۔

ترجمان اسٹیٹ بینک کے مطابق اکتوبر کے مقابلے نومبر میں ترسیلات زر 2اعشاریہ چوالیس فیصد بڑھیں، رواں مالی سال کے 5 ماہ میں ترسیلات زر میں 27 فیصد اضافہ دیکھا گیا ہے۔جس کے بعد جولائی تا نومبر ترسیلات زر کا مجموعی حجم 11 ارب 80 کروڑ ڈالرزسے تجاوز کرگیا ہے۔