پاکستان کی سعودی عرب کے ابہا انٹرنیشنل ایئرپورٹ پر ڈرون حملے کی مذمت

(24 نیوز)پاکستان نے سعودی عرب کے ابہا انٹرنیشنل ایئرپورٹ پر ڈرون حملے کی شدید مذمت کی ہے۔
ترجمان دفتر خارجہ کاکہناہے کہ ڈرون حملے سے سویلین طیارے کو آگ لگ گئی تھی ،ڈرون حملے سے سعودی عرب اور خطے کے امن وسلامتی کو خطرہ ہے۔ترجمان کا اپنے بیان میں کہنا تھا کہ پاکستان ایسے حملوںکو فوری طور پر بند کرنے کا مطالبہ کرتا ہے،پاکستان سعودی عرب کے ساتھ اپنی مکمل حمایت اور یکجہتی کااعادہ کرتا ہے۔