(24 نیوز) بھارتی اداکارہ سارہ علی خان کو فلم ’باغی 4‘ میں کاسٹ کئے جانے امکان بڑھ گیا ہے ۔
بھارتی میڈیا رپورٹ کےمطابق ٹائیگر شروف کی ہٹ فرنچائزی فلم ’’باغی 3 ‘‘کی کامیابی کے بعد فلم سازوں نے اس کے اگلے ورژن کا اعلان کردیا تھا۔تاہم کورونا وبا کی وجہ سے لاک ڈاؤن لگنے کے بعد میکرز فلم کے سکرپٹ پر کام کر رہے تھے۔اب بالی ووڈ میں تمام فلموں کی شوٹنگ دوبارہ شروع ہونے کے بعد فلم میکرز بھی ’باغی 4‘ کو جلد از جلد فلور پر لانے کا منصوبہ بنا رہے ہیں۔ اس حوالے سے کہا جارہا ہے کہ فلم باغی 4 میں ٹائیگر شروف کے بلمقابل کام کرنیوالی اداکارہ کا انتخاب کر لیا گیاہے۔یہ بھی خیال ہے کہ سارہ علی خان کو ’باغی 4‘ کی پیشکش کی گئی ہے اور فلمساز ساجد ناڈیاڈ والا نے سارہ علی خان کو ’باغی4‘ کے لئے منتخب کیا ہے۔اگر ایسا ہو گیا تو سارہ خان اور ٹائیگر شروف کی جوڑی پہلی مرتبہ سلور سکرین پر نظر آئے گی۔