لاہور :مسجد کا گنبد گرنے سے 3 افراد جاں بحق، متعدد زخمی

 (24نیوز)لاہور کے علاقے مناواں میں زیر تعمیر مسجد کا گنبد گرنے سے 3 افراد جاں بحق اور متعدد زخمی ہو گئے۔

تفصیلات کے مطابق ریسکیو حکام کا کہنا ہے کہ گنبد گرنے کے نتیجے میں زخمی ہونے والے افراد کو طبی امداد کے لیے ہسپتال منتقل کر دیا گیا ہے۔جب کہ گنبد گرنے سے اب تک 3 افراد جاں بحق اور 9 افراد زخمی ہوئے ہیں۔ریسکیو حکام نے مزید بتایا ہے کہ حادثے میں جاں بحق ہونے والے افراد کی شناخت ناظم ، شفیق اور  ریاض کے ناموں سے ہوئی ہے۔