ٹک ٹاک مسلسل دوسری بار پی ایس ایل کا آفیشل انٹرٹینمنٹ پارٹنر بن گیا

(24 نیوز) مختصر ویڈیو شیئرنگ کے عالمی پلیٹ فارم ٹک ٹاک کو پاکستان سپر لیگ آٹھویں ایڈیشن کا آفیشل انٹرٹینمنٹ پارٹنر بنا لیا گیا ہے۔

پاکستان کرکٹ بورڈ کے مطابق اس شراکت داری کے تحت پی ایس ایل کے شائقین ٹک ٹاک کے ذریعے ایسا کنٹنٹ تیار کرسکیں گے جسے دنیا بھر میں دیکھا جاسکے گا۔

کرکٹ فینز ٹک ٹاک ایپ پر پری اور پوسٹ میچ کنٹنٹ کے علاوہ میچ کی جھلکیاں بھی دیکھ سکیں گے۔

پی ایس ایل کے 8 ویں ایڈیشن کی افتتاحی تقریب ملتان میں 13 فروری کو منعقد کی جائے گی اور تمام  میچز کراچی، ملتان، لاہور اور راولپنڈی میں کھیلے جائیں گے۔ میچز کے دوران ٹک ٹاک کمیونٹی کو پلیٹ فارم کے ساتھ منسلک ہونے اور دلچسپ مواد تیار کرنے کا بھرپور موقع ملے گا۔

???? We are pleased to announce TikTok returns as our Official Entertainment Partner for #HBLPSL8

Read more: https://t.co/pqjZcU84ar#SabSitarayHumaray pic.twitter.com/dbFMKLUdsu

— PakistanSuperLeague (@thePSLt20) February 11, 2023

پی ایس ایل کے رواں سیزن میں شائقین  ٹک ٹاک پر #HoJaJazbaati اور #SabSitarayHamaray کے ہیش ٹیگ استعمال کرتے ہوئے دلچسپ اور سنسنی خیزکانٹینٹ تیارکرسکیں گے۔

@city42newsofficial #city42 #psl8 #foryoupage #foryou #fyp ♬ original sound - 24NEWSHD

گزشتہ سیزن میں  ٹک ٹاک پر #KhelegaPakistan ہیش ٹیگ سے ناقابل یقین 2.5 بلین ویوز اور 2.3 ملین ویڈیوز تخلیق کی گئیں جو پاکستانی شائقین کے ٹک ٹاک پر کرکٹ  کانٹینٹ میں دلچسپی اور تفریح سے بھرپور کانٹینٹ تخلیق کرنے کا ثبوت ہے۔