کراچی: گھر کے اندرسلنڈر پھٹنے سے دھماکہ، بچی جاں بحق، 4افراد زخمی

(ویب ڈیسک) کراچی کے علاقہ محمود آباد میں گھر کے اندر مبینہ سلنڈر پھٹنے سے دھماکہ سے ایک بچی جاں ہوگئی۔

ریسکیوحکام  کے مطابق سلنڈر دھماکے میں دو بچوں سمیت 4 افراد جھلس کر زخمی بھی ہوئے، زخمیوں کو سول برنس وارڈ منتقل کردیا گیا جبکہ ایک سالہ بچی دوران علاج جاں بحق ہوگئی۔

ریسکیو حکام نے بتایا کہ دھماکے کے باعث گھر کی دیواروں کو نقصان پہنچا جبکہ  ایک کمرہ مکمل تباہ ہوگیا ،جس کی چھت اور دیوار گر گئی۔

یہ بھی پڑھیں : کراچی:7 سالہ صارم زیادتی و قتل کیس،18افراد کیDNA رپورٹس منفی،پولیس پریشان

متاثرہ عمارت 3 منزلہ تھی جس میں دو فیملیز رہائش پذیرہیں، گھر کے اندر دو بڑے سلنڈر موجود تھے جو دھماکے سے پھٹ گئے۔

ریسکیو اہلکاروں کا کہنا ہے کہ عمارت کے فلیٹ میں بہت سارے سلینڈر موجود تھے اور وہاں آگ جلانے والے لائیٹر کی ری فلنگ کا کام ہورہا تھا۔