صدر زرداری کی پرتگالی صدر سے ملاقات، دورہ پاکستان کی دعوت

(اویس کیانی) صدر مملکت آصف علی زرداری کی لزبن میں پرتگال کے صدر مارسیلو ریبیلو ڈی سوسا سے صدارتی محل میں ملاقات،دونوں رہنماؤں کا دوطرفہ اہمیت کے امور پر تبادلہ خیال، مختلف شعبوں میں تعاون مزید گہرا کرنے کی ضرورت پر زور، صدر مملکت کی پرتگال کے صدر کو دورہ پاکستان کی دعوت۔ 

 رپورٹ کے مطابق پرتگالی صدر مارسیلو ریبیلو ڈی سوسا نے صدارتی محل آمد پر صدر آصف علی زرداری کا پرتپاک استقبال کیا،دونوں رہنماؤں کا دوطرفہ اہمیت کے امور پر تبادلہ خیال، مختلف شعبوں میں تعاون مزید گہرا کرنے کی ضرورت پر زور دیا۔ اس موقع  صدر زرداری نے کہا کہ پاکستان پرتگال کے ساتھ اپنے تعلقات کو بہت اہمیت دیتا ہے، پاکستان اور پرتگال کے درمیان خوشگوار دوطرفہ تعلقات ہیں۔ ملاقات میں 

 دونوں رہنماؤں کا دوطرفہ تعاون بڑھانے،ثقافتی اور عوامی سطح پر تعلقات فروغ دینے پر تبادلہ خیال ہوا، صدر مملکت کے پرتگال کے صدر کو دورہ پاکستان کی دعوت دیتے ہوئے کہا کہ دورے سے دوستی کا بندھن مزید مضبوط ہوگا، تعاون کی نئی راہیں کھلیں گی۔

 واضح رہے کہ 2025 میں پاکستان اور پرتگال کے درمیان سفارتی تعلقات کے قیام کو 75 سال مکمل ہو گئے ہیں،دونوں ممالک کے درمیان خوشگوار دوطرفہ تعلقات رہے ہیں۔

یہ بھی پڑھیں:گلوکار اور رقاص سونو ڈینجرس کےنئے گانے کی ویڈیو  ریلیز