بابراعظم کا نہ ہونا ،کیچز  چھوڑنا، بیٹنگ نہ چلنا  ہار کی بڑی وجہ: مصباح الحق

(24 نیوز)  کرکٹ ٹیم کے ہیڈکوچ مصباح الحق نے کہا ہے کہ ٹیم کی تیاری میں ہم نے 100 فیصد کوشش کی لیکن نیوزی لینڈ کی ٹیم نے ہم سے بہتر کرکٹ کھیلی۔ نیوزی لینڈ سے سریز ہارنا مایوس کن ہے۔ سیریز ہارنے پر معذرت کرنے نہیں آیا۔ کرکٹ میں جتنی کوشش بھی کر لیں قسمت کا عمل دخل بھی ہوتا ہے۔ کرکٹ کے مسائل کو سمجھنا اور بات کرنا ضروری ہے۔

تفصیلات کے مطابق  پریس کانفرنس سےخطاب میں سابق کپتان مصباح الحق نے کہا نیوزی لینڈ کے خلاف سیریز میں ٹیم نے بہت محنت کی۔ کورونا کے باعث کھلاڑیوں کو آئیسولیشن میں رہنا پڑا۔ جیت کیلئےبھرپورکوششیں کیں لیکن توقعات پرپورانہیں اترسکے۔ کیچز مس ہوئیں جس پر افسوس بھی ہے۔فیلڈنگ کو مزید بہتربنانا ہوگا۔ کھلاڑیوں کی فٹنس مسئلہ بھی کھیل پر منفی اثرمرتب کرتاہے۔ انہوں نے کہا بابراعظم کےانجری کاشکارہونےسےبہت نقصان ہوا۔ بابراعظم کا نہ ہونا ایسے ہی ہے جیسے نیوزی لینڈ کے پاس کین ولیمسن کا نہ ہونا ہے۔مصباح الحق نے کہا کہ اکثر و بیشتر ہار جیت میں قسمت کا بھی ہاتھ ہوتا ہے۔ نیوزی لینڈ کی ٹیم کو ببل میں رہنا نہیں پڑا، ہماری ٹیم نے سخت ببل میں پہلے 9دن گزارے۔ میچوں کے دوران کیچز  چھوڑنا، بیٹنگ نہ چلنا، یہ بھی ہار کی ایک بڑی وجہ ہے۔