اختلا فات ختم،سعودی عر ب اور قطر میں فضائی رابطے بحال

(24نیوز)سعودی عرب اور قطر کے تعلقات کی بحالی کے بعد دونوں ممالک کے درمیان فضائی آمد و رفت آج سے شروع ہو رہی ہے۔
 تفصیلا ت کے مطا بق دونوں مما لک کے زمینی رابطے بھی بحال ہوچکے ہیں ۔ قطر کی جانب سے ریاض، دمام اور جدہ کے لئے آج سے پروازیں شروع ہو رہی ہیں جبکہ سعودی عرب بھی دوحہ کے لئے آج ہی اپنی پروازوں کا آغاز کر رہا ہے ۔سعودی عرب نے چار جنوری کو قطر کے ساتھ واقع اپنی فضائی ، برّی اور بحری سرحدیں دوبارہ کھولنے کا اعلان کیا تھا۔یا درہے کہ (جی سی سی) کے سربراہ اجلاس میں سعودی عرب سمیت چار عرب ممالک نے قطر کے ساتھ جاری تنازع کے خاتمے کا اعلان کیا تھا اور کہا تھا کہ ان کے قطر کے ساتھ تمام شعبوں میں تعلقات بحال ہوگئے ہیں۔