سابق آسٹریلوی کرکٹر نے پاکستانی کھلاڑیوں کی تعریفوں کے پُل باندھ دیئے

( 24 نیوز)سابق آسٹریلوی کرکٹر اور متحدہ عرب امارات کی ورلڈ ٹی20 لیگ کی فرنچائز ڈیزرٹ وائپرز کے موجودہ ڈائریکٹر ٹام موڈی نے پاکستانی کھلاڑیوں کی تعریفوں کے پُل باندھ دیئے۔

 ایک انٹرویو میں سابق کرکٹر ٹام موڈی نے ڈیزرٹ وائپرز کی فرنچائز میں شامل پاکستانی کھلاڑیوں فخر زمان، اعظم خان اور محمد عامر کی تعریف کی۔

انہوں نے فخر زمان کی فٹنس کے حوالے سے کہا کہ وہ نیٹ سیشنز میں بہترین فارم میں لگ رہے ہیں اور مکمل فٹ ہیں۔

قبل ازیں چیمپئینز ٹرافی 2025 کیلئے ٹیم میں واپسی کیلئے پُرامید اوپنر فخر زمان کا کہنا ہے کہ وہ 100 فیصد فٹ ہیں، ادھر صائم ایوب کی انجری نے اِنکی واپسی کی راہ مزید ہموار کردی ہے۔

مزید پڑھیں:  بنگلہ دیش لیگ میں تمیم اقبال انگلش کرکٹر  سے الجھ پڑے

ٹام موڈی نے وکٹ کیپر اعظم خان کی بلے بازی کی صلاحیتوں پر روشنی ڈالتے ہوئے کہا کہ ہم سب جانتے ہیں کہ وہ کیا کرنے کی صلاحیت رکھتا ہے، وہ ان نایاب کھلاڑیوں میں سے ایک ہے جو ایک گیند سے گیند کو گراؤنڈ سے باہر پھینک سکتے ہیں، کھیل کے چھوٹے فارمیٹ میں انکا ہونا ایک حقیقی بونس ہے۔

مزید پڑھیں:  ہندی ہماری قومی زبان نہیں، بھارت کے مشہور کرکٹر کے بیان پر تنازع  

محمد عامر سے متعلق سابق آسٹریلوی کرکٹر نے کہا کہ وہ ایک سیزن پلئیر ہے، اس سے دنیا بھر میں اپنی صلاحیتوں کا لوہا منوایا ہے۔

آئی ایل ٹی 20 کے تیسرے ایڈیشن کا آغاز آج دبئی کیپٹلز کے ممبئی انڈینز ایمریٹس کے درمیان میچ سے ہوگا۔

ٹورنامنٹ کا پہلا ایڈیشن گلف جائنٹس نے 2022-23 میں جیتا تھا، اور دوسرا ایڈیشن ایم آئی ایمریٹس نے 2023-24 میں جیتا تھا۔