پاکستان کے 17 اضلاع میں پولیو وائرس کی تصدیق

(بابر شہزاد ترک)پاکستان میں 17 اضلاع سے پولیو وائرس کے پازیٹو سیوریج سیمپلز کی تصدیق ہوئی ہے جس سے وائرس کے پھیلاؤ میں اضافہ ظاہر ہوتا ہے۔

 پاکستان میں پولیو وائرس کے پھیلاؤ میں مسلسل اضافہ دیکھنے کو مل رہا ہے وزارتِ صحت کو پولیو پازیٹو سیوریج سیمپلز کی ٹیکنیکل رپورٹ موصول ہو گئی ہے جس کے مطابق 17 اضلاع کے ماحولیاتی نمونوں میں پولیو وائرس کی تصدیق ہوئی ہے۔

 قومی ادارہ صحت کے مطابق اسلام آباد، لسبیلہ، خضدار، کوئٹہ، قلعہ سیف اللہ، ڈی جی خان، بارکھان، سبی، دُکی، مستونگ، لکی مروت، بہاولپور، گوجرانوالہ، نوشکی، کیچ، رحیم یار خان اور لاہور سے جمع کئے گئے سیوریج نمونے پازیٹو آئے ہیں۔

محکمہ صحت کے مطابق یہ نمونے دسمبر 2024 میں جمع کئے گئے تھے اس لئے انہیں 2024 کے پولیو وائرس کیسز میں شامل کیا جائے گا۔

مزید پڑھیں:مہنگائی سے پریشان عوام پر مزید بوجھ،ادویات کی قیمتوں میں 300 فیصد اضافہ