اسلام آباد پولیس کی بڑی کامیابی، بھاری اسلحہ کی کھیپ پکڑ لی

(24نیوز)تھانہ ترنول پولیس نے خیبرپختونخوا سے اسلام آباد منتقل ہونے والی اسلحہ کی کھیپ پکڑ لی۔

اسلام آباد کے تھانہ ترنول پولیس نے ایک بڑی کارروائی کے دوران خیبرپختونخوا سے اسلام آباد منتقل کرنے کی کوشش میں اسلحہ کی کھیپ پکڑ لی اور  پولیس نے ملزم کو گرفتار کر لیا۔

 ایس ایس پی آپریشنز ارسلان شاہزیب نے کہا کہ ملزم کے  قبضے سے 272 مختلف بور کے پستول، 20 جدید خودکار بندوقیں معہ میگزینز اور 23,000 سے زائد روند جبکہ  150 گرام آئس اور 4.450 کلوگرام ہیروئن بھی برآمد ہوئی۔ 

 ایس ایس پی آپریشنز   کا مزید کہنا ہے کہ ملزم ایک سابقہ ریکارڈ یافتہ مجرم ہے اور پنجاب کے مختلف اضلاع میں 8 مقدمات میں ملوث پایا گیا ہے، فی الحال ملزم کے خلاف تھانہ ترنول میں مقدمہ درج کر کے مزید تفتیش کا آغاز کر دیا گیا ہے۔

مزید پڑھیں:زخمی ڈاکو کو گولیاں مار کر ہلاک کرنے والا شہری گرفتار