ٹیکو تلسانیہ برین اسٹروک کا شکار، تشویشناک حالت میں ہسپتال منتقل

(ویب ڈیسک)بالی ووڈ  کے معروف اور مزاحیہ اداکار ٹیکو تلسانیہ برین اسٹروک کا شکار ہوگئے ، جس کے بعد انہیں تشویشناک حالت میں ہسپتال منتقل کر دیا گیا۔

بھارتی میڈیا رپورٹ کے مطابق  بالی وود کے سینئر اداکار ٹیکو تلسانیہ  کو برین اسٹروک ہوا جس کے بعد انہیں تشویشناک حالت میں ہسپتال منتقل کیا گیا۔

اس سے قبل خبریں سامنے آئی تھیں کہ اداکار کو ہارٹ اٹیک ہوا ہے لیکن اب بھارتی میڈیا نے تصدیق کی ہے کہ ٹیکو تلسانیہ کو  درحقیقت  برین اسٹروک ہوا ہے۔

یہ بھی پڑھیں : لیجنڈ گلوکار عطا اللہ عیسی خیلوی کے صاحبزادے کی میوزک انڈسٹری میں بڑی انٹری

بھارتی میڈیا کے مطابق  ٹیکو تلسانیہ گجراتی فلم کی خصوصی اسکریننگ  کیلئے وینیو پر پہنچے تھے جہاں انہیں الٹی ہوئی جس کے بعد انہیں اسپتال لے جایا گیا اور  ڈاکٹروں نے برین اسٹروک کی تصدیق کی ہے۔

بھارتی میڈیا کا بتانا ہے کہ ٹیکو تلسانیہ کی حالت نازک بتائی جارہی ہے۔