گڈی تو منگا لے ،تیل میں پواندی آں۔۔لاہورمیں معروف ماڈل قتل

 (24نیوز) " گڈی تو منگا لے ،تیل میں پواندی آں "۔ مشہور گانے کی ماڈل نایاب کو نامعلوم افراد نے گھر میں قتل کر دیا ۔ ڈیفنس فیز 5میں گھر سے تشددزدہ لاش برآمد ۔
 پولیس کی ابتدائی تحقیقات کے مطابق مقتولہ کو نامعلوم افراد نے تشدد کر کے گلا دبا کر موت کے گھاٹ اتار ا، واقعہ کا مقدمہ مقتولہ کے سوتیلے بھائی محمد علی ناصر کی مدعیت میں تھانہ ڈیفنس بی میں درج کر لیا گیاہے،مقتولہ ماڈل نایاب کے دو سوتیلے بھائی محمد علی اور شبروز ہیں اور نایاب غیر شادی شدہ تھیں، مقدمہ کے متن کے مطابق نایاب کو گزشتہ رات کھانا کھانے کے بعد گھر چھوڑا تھا،اگلے روز بہن سے ملنے گھر گیا تو دروازے بند تھے ،گھرکی پچھلی سائیڈکی کھڑکی ٹوٹی ہوئی تھی، ٹوٹی کھڑکی سے گھرمیں داخل ہواتوسامنے بہن کی لاش پڑی تھی اور اس کے گلے پر زخم کے نشان تھے۔ آئی جی نے نوٹس لیتے ہوئے سی سی پی او لاہور سے رپوٹ طلب کر لی، ملزموں کی فوری گرفتاری کا حکم دے دیا۔

 پولیس کے مطابق مقتولہ نایاب مختلف گانوں میں ماڈلنگ کر چکی ہے، کچھ عرصہ سے شوبز سے کنارہ کشی اختیار کر چکی تھی، پولیس نے زیادتی، ڈکیتی مزاحمت ،دیرینہ دشمنی اور دیگر پہلوﺅں پر تفتیش شروع کر دی ۔ پولیس کے مطابق پوسٹمارٹم رپورٹ آنے کے بعد ماڈل نایاب کے قتل کی وجہ اور زیادتی کے حقائق سامنے آئیں گے، ماڈل کی لاش پوسٹمارٹم کے بعد ورثا کے حوالے کر دی گئی۔ 

یہ بھی پڑھیں: بدھائی نہ ملنے پرخواجہ سرا نے ایسا کام کیا کہ انسانیت بھی شرما جائے