بیرون ملک پھنسے پاکستانیوں کیلئے بڑی خبر۔۔۔پی آئی اے نے اہم اعلان کردیا

( 24 نیوز)قومی ایئر لائن (پی آئی اے) نے عیدالاضحی سے پہلے بیرون ملک پھنسے پاکستانیوں کو واپس لانے کیلئے خصوصی آپریشن کا اعلان کر دیا۔
پی آئی اے انتظامیہ کا کہنا ہے کہ کابل میں پھنسے ہوئے ہم وطنوں کو وطن پہنچانے کیلئے بوئنگ 777 طیارے استعمال کیا جائے گا۔پی آئی اے کابل کیلئے12 اور 16 جولائی کو خصوصی پروازیں آپریٹ کررہی ہے۔ پی آئی اے نے خلیجی ممالک سے پاکستان آنے کیلئے 5 خصوصی پروازوں کا اضافہ کیا ہے۔
پی آئی اے انتظامیہ کا کہنا ہے کہ دبئی اور ابوظہبی سے بوئنگ 777 طیاروں کے ذریعے وطن پہنچایا جائے گا۔پی آئی اے نے سعودی عرب کیلئے بھی10پروازوں کا اضافہ کیا ہے۔۔پی آئی اے تاشقند کیلئے 8خصوصی پروازیں آپریٹ کرے گی ۔
انتظامیہ کا کہنا تھا کہ پی آئی اے بشکیک میں پھنسے ہوئے طالبعلموں کو وطن لانے کیلئے خصوصی پرواز آپریٹ کرے گی۔

یہ بھی پڑھیں: کورونا کیسز میں اضافہ، نئی پابندیاں عائد