(ویب ڈیسک)سنگاپور میں ڈاکٹرز اس وقت حیران و پریشان رہ گئے جب انہوں نے ایک مریض کے ایسو فیگس (منہ سے معدے تک جانے والی غذائی نالی) میں ایک زندہ آکٹوپس کو موجود پایا۔
غیر ملکی میڈیا رپورٹس کے مطابق سنگا پوری شخص کا نام تو معلوم نہیں ہوسکا لیکن اسکے بارے میں بتایا جاتا ہے کہ اسے کسی گڑ بڑ کا اس وقت احساس ہوا جب اسے کھانا کھانے کے بعد الٹی ہوئی۔
ڈاکٹرز نے اس کے گیسٹرو اینٹسٹینل ایگزامنیشن (معدے اورآنتوں کے معائنے کے لیے کیا جانے والا ٹیسٹ) کے غذائی نالی میں آکٹوپس کو موجود پایا۔
بتایا جاتا ہے کہ اس کے کھانے میں ایک زندہ اکٹوپس شامل تھا۔ اسے اس کا اندازہ اس طرح ہوا کہ کھانے کو نگلنے میں اسے مشکل پیش آئی، لہٰذا وہ پریشان ہوکر ایک ہسپتال کی ایمرجنسی میں گیا جہاں ڈاکٹروں نے اس کا فوری طورپر سی ٹی سکین کیا۔
یہ بھی پڑھیں:بادلوں کی گرج چمک ،بارش یا سورج کی تپش؟محکمہ موسمیات نے بڑی پیشگوئی کردی
سی ٹی سکین سے انکشاف ہوا کہ اس کے ایسوفیگس میں کوئی بڑی سی چیز موجود ہے، لیکن اس کا اس وقت تک درست پتہ نہیں چل سکا جب تک کہ انہوں نے اس شخص کا ایسوفیگس ٹروڈو ڈینو سکوپی پروسیجر نہیں کرلیا (اس ٹیسٹ میں ایک چھوٹی، لچکدار ٹیوب کیمرے کے ساتھ مریض کی حلق سے ایسوفیگس کے آخری حصے تک ڈالی جاتی ہے)۔
اس ٹیسٹ سے ڈاکٹروں کو اس تشویشناک صورتحال کا پتہ چلا کہ اس شخص کی حلق کی نالی میں ایک مکمل سمندری آکٹوپس موجود ہے۔ جس کے بعد ایک خصوصی میڈیکل تکنیک کے ذریعے اسے پکڑ کر باہر نکالا گیا۔