سلمان خان پر جان لیوا حملے کی کوشش، شارپ شوٹر کہاں سے آیا؟ تہلکہ خیز انکشاف

 (ویب ڈیسک) بھارتی میڈیا کا کہنا ہے کہ گزشتہ رات سلمان خان پر ان کے گھر کے باہر لارنس بشنوئی کی جانب سے بھیجے گئے شارپ شوٹر نے قاتلانہ حملہ کیا ہے۔

 بھارتی میڈیا کی تازہ ترین رپورٹ کے مطابق جس شخص نے بالی ووڈ کے میگا اسٹار سلمان خان اور ان کے والد کو جان سے مارنے کی دھمکی دی تھی اس کی شناخت وکرم برار کے نام سے ہوئی ہےجوکہ گینگسٹر لارنس بشنوئی کا قریبی ساتھی ہے۔

 یہ بھی پڑھیں:موت سے قبل عامر لیاقت کی متیرا سے چیٹ کا اسکرین شاٹ وائرل

یہ بھی پڑھیں: صبا قمر شادی کے بعد کیا کرنا چاہتی ہیں؟ اپنی خواہش بتا دی

بھارتی میڈیا کا دعویٰ ہے کہ لارنس بشنوئی  کے گینگ نے جمعرات کی رات سلمان خان کو ان کے گھر گلیکسی اپارٹمنٹ  کے باہر قتل کرنے کے لیے ایک شارپ شوٹر بھیجا تھا جس نے ایک خاص ہاکی کیسنگ میں چھپے ہوئے چھوٹے بور ہتھیار سے اداکار کو نشانہ بنانے کی کوشش کی۔

 مبینہ طور پر شارپ شوٹر اداکار کی رہائش گاہ کے باہر موجود تھا جس نے انہیں قتل کرنے کی کوشش کی لیکن آخری لمحات میں وہ پیچھے ہٹ گیا کیونکہ اُسے پولیس اہلکاروں کے ہاتھوں پکڑے جانے کا خدشہ تھا۔

#LawrenceBishnoi's aide posted sharpshooter outside Galaxy Apartment where #SalmanKhan resides; Bollywood star nearly killed by the Shooter! Read morehttps://t.co/xP7iEOvLky

— ETimes (@etimes) June 10, 2022

 بھارتی میڈیا کا کہنا ہے کہ ممبئی پولیس کا ایک اضافی دستہ اس رات سلمان خان کی رہائش گاہ پر موجود تھا کیونکہ اداکار کو ایک خصوصی تقریب میں جانا تھا، جس کے بعد شارپ شوٹر اور اس کے ساتھیوں نے پیچھے ہٹنے کا فیصلہ کیا۔

 واضح رہے کہ اس سے قبل ممبئی پولیس نے انکشاف کیا تھا کہ لارنس بشنوئی گینگ کے تین ارکان نے سلمان خان کے قتل کی سازش کی ہے اور انہیں میں سے ایک نے ان کے والد تک دھمکی آمیز خط پہنچایا تھا۔